Սաուդյան Արաբիայում կայացավ Իսպանիայի Սուպերգավաթի երկրորդ կիսաեզրափակիչը: Իսպանիայի գործող չեմպիոն «Բարսելոնան» 2:3 հաշվով զիջեց Մադրիդի «Ատլետիկոյին»:
Կատալոններից աչքի ընկան Լեո Մեսսին (51‘) եւ Անտուան Գրիզմանը, իսկ Չոլո Սիմեոնեի տղաներից իրենց անունը լուսատախտակին վառեցին Կոկեն (46‘), Ալվարո Մորատան (81‘) եւ Անխել Կորեան (86‘):
Այսպիսով, Իսպանիայի Սուպերգավաթի եզրափակչում կհանդիպեն Իսպանիայի մայրաքաղաքի երկու ակումբները ` «Ռեալն» ու «Ատլետիկոն»:
«Ռեալը» ավելի վաղ 3:1 հաշվով պարտության էր մատնել «Վալենսիային»:
Էդմոն Մարտիրոսյան
.gif)
