ArmLur.am-ը տեղեկացավ, որ Վարչական դատարանում թեժ իրավիճակ է․ 100-ից ավելի աշխատողներ հրաժարվում են աշխատել: Վարչական դատարանի նախագահ Արգիշտի Ղազարյանը ներկայացրել է իրավիճակը՝ նշելով, որ հորդորում է աշխատակիցներին վերադառնալ աշխատանքի, սակայն վերջիներս հրաժարվում են ներկայանալ աշխատանքի։ Դատարանում աշխատանքը դադարեցված է:
Ըստ աշխատակիցների՝ իրենց կանչել և պաշտոնապես հայտարարել էին, որ աշխատավարձը հուլիսի 1-ով բարձրանալու է ու հիմա ասում են, որ չի բարձրանալու:
Նրանց խոսքով՝ պարգևավճարները հանել են, որ աշխատավարձը բարձրացնեն, սակայն հիմա հրաժարվում են:
Քիչ առաջ Դատական դեպարտամենտը հայտարարություն տարածեց․
«Վարչական դատարանի աշխատակիցների կողմից իրականացվող գործադուլը կապված է աշխատավարձերի բարձրացման պահանջի հետ:
Դատական իշխանությունը, դեռևս 2023 թվականից, տարբեր մակարդակներում, տարբեր միջոցներով բազմիցս բարձրացրել է այս ցավոտ խնդիրը։
Դատական դեպարտամենտը և Դատական իշխանության մյուս մարմիններն իրենց լիազորությունների շրջանակում բոլոր հնարավոր գործողությունները կատարել են, և հարցը գտնվում է պետական պատշաճ մարմինների ուշադրության կենտրոնում։
Հուսով ենք՝ դատական ծառայողները բարձր պատասխանատվությամբ կշարունակեն իրենց աշխատանքը` կարևորելով արդարադատության շահը, իսկ անձնական հանգամանքներով պայմանավորված անհնարինության դեպքում՝ իրենց ծառայությունը կիրականացնեն ավելի բարձր վարձատրվող ոլորտներում, մինչև աշխատավարձերի խնդրի համակարգային լուծումը»:
Մանրամասները՝ տեսանյութում։
Քնար Մանուկյան
.gif)
