Սլովակիայում վերջին երեք օրվա ընթացքում ավելի քան 170 մարդ հոսպիտալացվել է երկրում տիրող շոգի պատճառով, հաղորդում է սլովակյան Denník N հրատարակությունը։
«Վերջին երեք օրվա ընթացքում 171 մարդ տեղափոխվել է հիվանդանոցներ։ Շոգը կարող է գագաթնակետին հասնել այսօր. տարածքի մեծ մասի համար ուժի մեջ է 3-րդ մակարդակի նախազգուշացումը՝ վտանգի առավելագույն մակարդակը, և ջերմաստիճանը կարող է հասնել 40 աստիճանի», – երկուշաբթի օրը հաղորդել է հրատարակությունը։
Փրկարարների խոսքով՝ ջերմային հարվածը ամենից հաճախ առաջանում է ոչ թե շոգից, այլ մի շարք գործոններից՝ մարդիկ անտեսում են ջրազրկումը, ամենաշոգ ժամերին մնում են դրսում, զբաղվում են ծանր ֆիզիկական գործունեությամբ կամ օգտագործում են ալկոհոլ, ինչը սրում է ջրազրկումը։
.gif)
