ԼՂՀ-ում էլեկտրաէներգիայի սակագինը կբարձրանա՞

Ինչպես հայտնի է՝ Հայաստանում էլեկտրաէներգիայի սակագինը կբարձրանա օգոստոսի 1-ից։ Իսկ ի՞նչ է լինելու Ղարաբաղում, արդյո՞ք այնտեղ էլ է բարձրանալու էլեկտրաէներգիայի սակագինը։

Karabakh-open.info-ի հետ զրույցում ԼՂՀ վարչապետի մամուլի խոսնակ Արտակ Բեգլարյանը տեղեկացրել է, որ դեռևս պարզ չէ, թե Հայաստանից ներկրվող էլեկտրաէներգիան ինչ գնով է ձեռք բերվելու, և սակագնի բարձրացում լինելո՞ւ է, թե՞ ոչ։

«Սակայն, եթե լինի էլ, դա իրենց վրա քաղաքացիները չեն զգա՝ կառավարությունը կսուբսիդավորի այդ տարբերությունը»,- հավելել է Արտակ Բեգլարյանը։