Երևանի քաղաքապետարանում անցկացվել է ծրագրային հերթական սեմինարը՝ Երևան քաղաքի քաղաքացիական պաշտպանության և արտակարգ իրավիճակներում բնակչության պաշտպանության համակարգի ղեկավար կազմի, ՀՀ ՊՆ զորահավաքային մարմինների ներկայացուցիչների մասնակցությամբ։ Սեմինարը ներկայացվել է ՀՀ ԱԻՆ փրկարար ծառայության տնօրենի տեղակալ փ/ծ գեներալ-մայոր Վրեժ Գաբրիելյանի ղեկավարությամբ։
Սեմինարին մասնակցել են Երևանի քաղաքապետի տեղակալ Դավիթ Օհանյանը, Երևանի վարչական բոլոր շրջանների ղեկավարները, քաղաքապետարանի աշխատակազմի վարչության պետեր, աշխատակիցներ։
Երևանի քաղաքապետի տեղակալ Դավիթ Օհանյանը Երևանի քաղաքապետ Տարոն Մարգարյանի անունից ողջունել է ներկաներին և ընդգծել, որ պարբերաբար անցկացվող այս սեմինար-քննարկումները Երևանի քաղաքապետը կարևորագույն նախաձեռնությունների շարքին է դասում, հետևաբար, դրանք մշտապես ուշադրության կենտրոնում են։
ՀՀ արտակարգ իրավիճակների նախարարության համապատասխան բաժինների մասնագետները ներկայացրել են զեկույցներ՝ բնակչության տարհանման պլանավորման կազմակերպումը և իրականացումը, Երևան քաղաքին սպառնացող բնածին և տեխնածին ռիսկերը. արտակարգ իրավիճակներում բնակչության պաշտպանության համակարգը և նրա խնդիրները, քաղաքացիական պաշտպանության միջոցառումների պլանավորումը թեմաներով, ինչին հաջորդել է ներկայացված թեմաների քննարկումը։
.gif)
