Ավտովթար Երեվան-Գյումրի ավտոճանապարհին

Սեպտեմբերի 7-ին` ժամը 07.47-ին տեղեկություն է ստացվել, որ սեպտեմբերի 6-ին ժամը 20.30-ին Երևան-Գյումրի ավտոճանապարհի 35-րդ կմ-ում տեղի է ունեցել ճանապարհատրանսպորտային պատահար: Դեռևս չպարզված հանգամանքներում բախվել են “Կամազ” մակնիշի 706 լս 61 (վարորդ՝ 1948 թ. ծնված Գուրգեն Աֆրիկյան) և “Վազ 2101” մակնիշի 43 սս 681 պետհամարանիշերի (վարորդ՝ 1990թ ծնված Արթուր Բադալյան) ավտոմեքենաները, ինչի հետևանքով Ա. Բադալյանը և “Վազ 2101” մակնիշի ավտոմեքենայի ուղեվոր՝ 1995թ. ծնված Մանվել Մկրտչյանը տարբեր աստիճանի մարմնական վնասվածքներով հոսպիտալացվել են Աշտարակ քաղաքի բժշկական կենտրոն: ԱԻՆ–ից տեղեկացնում են, որ բժիշկները տուժածների առողջական վիճակը գնահատել են բավարար: