Անհայտ անձը հարվածել է ամերիկացի դերասան Բրեդ Փիթի դեմքին, երբ նա ինքնագրեր էր բաժանում Լոս Անջելեսում «Մալեֆիսենտա» հեքիաթի պրեմիերայից առաջ, որում գլխավոր դերը կատարում է Փիթի կինը` Անջելինա Ջոլին. հինգշաբթի հայտարարել է «Ռոյթերս» գործակալությունը:
Միջադեպը տեղի է ունեցել չորեքշաբթի Հոլիվուդում, El Capitan թատրոնի հարևանությամբ: Ինչպես տեղեկացրել է Լոս Անջելեսի ոստիկանության ներկայացուցիչը, Փիթը ինքնագրեր էր բաժանում կինոթատրոնի գորգուղու վրա, երբ անհայտ տղամարդը ցատկել է պարսպի վրայով և հարվածել նրան: Պահակազորը արագ բռնել է հարձակվողին և հանձնել ոստիկանությանը: Միջադեպի արդյունքում Փիթը լրջորեն չի տուժել և, ինչպես հաղորդում է «Ասսոշիեյթեդ պրեսս» գործակալությունը, շարունակել է շփվել երկրպագուների հետ:
Ձերբակալվածի արարքի դրդապատճառները դեռևս պարզ չեն:
.gif)
