Քիչ հետո Բրազիլիա-Խորվաթիա հանդիպումով կմեկնարկի Ֆուտբոլի 2014թ. աշխարհի առաջնությունը: Ֆուտբոլասերների համար առաջնության ամբողջ շրջանը տոն է, որից անմասն չեն մնում և խաղերին հետևում են նաև մեր պատգամավորները:
Պարզվում է ` ՀՀԿ խմբակցության պատգամավոր Հովհաննես Սահակյանը իսպանական-բրազիլական ֆուտբոլի սիրահար է: Նա armlur.am-ի հետ զրույցում նշեց, որ միանշանակ հետևելու է աշխարհի առաջնության խաղերին, սակայն նշել, թե ով կհաղթի, չցանկացավ` ընդգծելով, որ ամեն ինչ ավելի պարզ կլինի խաղերի ընթացքում:
Ի տարբերություն Հովհաննես Սահակյանի` մեկ այլ ՀՀԿ-ական պատգամավոր Սամվել Ֆարմանյանը կարծես թե ուրվագծում է «Մունդիալ 2014» -ի հաղթողին: Ըստ նրա՝ դա կարող է լինել Գերմանիայի հավաքականը: Պատգամավորը, սակայն, երկրպագելու է Իսպանիայի ընտրանուն:
«Բոլորը համոզված են, որ ավանդույթի համաձայն, եթե աշխարհի առաջնությունը Լատինական Ամերիկայում է, ապա եվրոպական թիմերը չեն հաղթում: Իմ կարծիքով, ամենահավանական հաղթողը Գերմանիան է: Կարծում եմ նաև, որ Բելգիայի հավաքականը կլինի այս առաջնության «սյուպրիզը»», – նշեց նա:
.gif)
