Կոթին հակառակորդի կողմից արձակված կրակահերթից վնասներ չի կրել. գյուղապետ

Տավուշում երեկ գիշեր և այսօր վաղ առավոտյան հակառակորդը տարբեր տրամաչափի զենքերից կրակել է մի քանի գյուղերի և մարտական դիրքերի ուղղությամբ։ Այս մասին ֆեյսբուքյան իր էջում գրառում է կատարել ՀՀ ՊՆ մամուլի խոսնակ Արծրուն Հովհաննիսյանը։

«Պատասխան կրակից հետո հակառակորդը լռել է։ Հայկական կողմից տուժածներ չկան»,-գրել է նա։

Արծրուն Հովհաննիսյանը մեկ այլ գրառում է արել, որում Ադրբեջանին կոչ է արել զերծ մնալ սադրանքներից։

«Ադրբեջանական կողմը Բաքվում ընթացող ԱՊՀ պաշտպանության նախարարների նիստի ֆոնին ակնհայտորեն գնում է սադրանքների ՀՀ պետական սահմանին առաջացնելով լարում։ Մենք կոչ ենք անում ադրբեջանական կողմին զերծ մնալ սադրանքներից և մեր կողմից նշում, որ սադրանքները անպատասխան չեն մնա, սակայն նիստից հետո»,– ասվում է գրառման մեջ։

ArmLur.am-ի հետ զրույցում Կոթի համայնքի ղեկավար Ֆելիքս Մելիքյանի հետ, ով մեզ հետ զրույցում հայտնեց, որ համայնքը հակառակորդի կողմից արձակված կրակահերթից վնասներ չի կրել:

«Կրակոցները տևել են մոտավորապես մեկ ժամ, առավոտվա 5-ի կողմերը: Էդ կռիվը մոզ մոտ 20-30 տարի է՝ կա»,-ասաց համայնքի ղեկավարը:

Լիդա Եղիազարյան