Դիրքեր հաց տարած ու անհետացած զինծառայողների մեքենան հայտնաբերվել է. մանրամասներ կապն ընդհատված զինվորների դեպքից

ՀՀ ՊՆ-ից տեղեկացրել են, որ մայիսի 26-ին՝ ժամը 19:00-ից, մարտական դիրքեր սնունդ մատակարարող ՀՀ ԶՈՒ 2 զինծառայողի հետ կապն ընդհատվել է:

ArmLur.am-ին մանրամասներ են հայտնի դարձել դեպքից: Մեր տեղեկություններով նրանք պայմանագրային զինծառայողներ են:

Ավելին, ըստ մեզ հասած լուրերի՝ մեքենան, որով նրանք սնունդ են տարել դիրքեր, հայտնաբերվել է, բայց իրենք չկա, ինչը ենթադրել է տալիս, որ զինվորներն անենայն հավանականությամբ հակառակորդի մոտ են։

Քիչ առաջ ՊՆ-ից հայտնեցին, որ միջդիրքային ճանապարհին հայտնաբերվել է մայիսի 26-ին՝ ժամը 19:00-ից որոնվող ՀՀ ԶՈՒ 2 զինծառայողների կողմից շահագործվող թիկունքային մատակարարման ավտոմեքենան, որը բեռնված էր սննդով և ջրով՝ նախատեսված մարտական հենակետերի համար:

Հայտնաբերված մեքենայում նաև առկա է զինծառայողներից մեկին ամրակցված զենքը, ինչը փաստում է, որ անգամ մեքենայից դուրս գալու և տեղանքում չկողմնորոշվելու դեպքում զինծառայողները չէին կարող դիվերսիոն նպատակներ ունենալ:

Ադրբեջանի կողմից հայ զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք: