Մայիսի 8-ին, ժամը 04.53-ին ահազանգ է ստացվել, որ Մ-2 միջպետական ավտոճանապարհի Սարավան-Վայք հատվածում տեղի է ունեցել ՃՏՊ. «Ֆրայդ» մակնիշի 84A73710 պետհամարանիշով ավտոմեքենան գլորվել է ձորը. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 միջպետական ավտոճանապարհի Վայք-Սիսիան հատվածի 25-րդ կմ-ում «Ֆրայդ» մակնիշի 84A73710 պետհամարանիշով ավտոմեքենան (վարորդ՝ Իրանի Իսլամական Հանրապետության քաղաքացի` Աբդուլ Հուսեյնի Սաիդ, ծնվ.1983թ.) դուրս է եկել երթևեկելի մասից և սահել ձորակը՝ մոտ 3 մ:
Հրշեջ-փրկարարները ձորակից դուրս են բերել ավտոմեքենայի ուղևոր ԻԻՀ քաղաքացի Աբդուլ Հուսեյնի Վահիդին, ով տարբեր աստիճանի մարմնական վնասվածքներով հոսպիտալացվել է Վայք քաղաքի բժշկական կենտրոն, որտեղ տուժածի առողջական վիճակը գնահատվել է բավարար:
.gif)
