ԱԺ ԲՀԿ խմբակցությունը դեռևս վերջնական որոշում չի կայացրել, թե արդյոք կառավարության ներկայացրած կենսաթոշակների մասին օրենքի լրացված տարբերակն իրենք ընդունում են, թե ոչ: Այս մասին «քառյակի» հանդիպումից հետո լրագրողներին հայտնեց ՀԱԿ խմբակցության ղեկավար Լևոն Զուրաբյանը:
Նա նշեց, որ չորս ուժերի ներսում միասնական մթնոլորտ կա, սակայն ԲՀԿ-ն իր վերջնական որոշումը կհայտնի վաղը կայանալիք նիստից հետո:
Զուրաբյանը հայտնեց, որ չորս ուժերը և «ԴԵՄ.ԵՄ»-ի անդամները կհամագործակցեն միասնական այլընտրանքային կենսաթոշակային համակարգ ստեղծելու ուղղությամբ:
Նրանք համոզված են, որ նոր օրենքը 80 %-ից էլ ավել մարդկանց համար ընդունելի կլինի, իսկ պայքարն ավելի արդյունավետ կլինի և արդյունքների կհասնեն:
.gif)
