«Յուվենտուս»-ը նոր պայմանագիր կառաջարկի Բուֆոնին

«Յուվենտուս»-ը մտադիր է երկարաձգել պայմանագիրը կիսապաշտպան Պոլ Պոգբայի և դարպասապահ Ջանլուիջի Բուֆոնի հետ. հայտնում են իտալական լրատվամիջոցները:

21-ամյա Պոգբային թուրինյան ակումբը պայմանագիր կառաջարկի մինչև 2018թ.՝ ևս մեկ տարով երկարաձգելու հնարավորությամբ: Ակումբը նաև պատրաստ է  նրա աշխատավարձը 1,5 մլն եվրոյից  դարձնել 4,5 մլն:

36-ամյա Բուֆոնի պայմանագրի ժամկետը լրանում է 2015-ին: Ակումբում պատրաստ են նրան ևս 2 տարվա պայմանագիր առաջարկել, եթե նա որոշի կարիերան ավարտել 2017-ին: