![](https://armlur.am/wp-content/uploads/2015/08/MHM98415-copy-e1439363544816.jpg)
Գյումրիի ռուսական ռազմաբազայում դատավոր Ալեքսանդր Շելդյաևի նախագահությամբ մեկնարկեց Վալերի Պերմյակովի դասալքության մասով հարուցված քրեական գործի դատաքննությունը:
Դատարանը հարգելի համարեց քրեական գործով անցնող վկա Հայկ Խաչատրյանի բացակայությունը՝ ընթերցելով նրա գրությունը, ըստ որի ընտանեկան խնդիրների պատճառներով չի կարող մասնակցել այսօրվա դատական նիստին:
Ապա մեղադրողը հրապարակեց մեղադրական եզրակացությունը, իսկ Վալերի Պերմյակովը հայտարարեց, որ իրեն ամբողջությամբ մեղավոր է ճանաչում: Նրա պաշտպանը հայտնեց, որ Պերմյակովը հրաժարվում է ցուցմունք տալ և մեղադրողի հարցերին պատասխանել: