Ինչպես արդեն հայտնել էինք, ՀՀ նախագահ Սերժ Սարգսյանը սեպտեմբերի 7-ին Մոսկվայում աշխատանքային այցի շրջանակներում հանդիպում է ունենալու ՌԴ նախագահ Վլադիմիր Պուտինի հետ:
Այստեղ հետաքրքիրն այն է, որ այս հանդիպումը նախատեսված է այն ժամանակաշրջանում, երբ ադրբեջանական զինուժի կողմից ՀՀ և ԼՂ սահմաններում ագրեսիա է նկատվում: ՌԴ նախագահի հետ հանդիպման մասին հայտարարությունից հետո տեսակետներ հնչեցին, որ նրա այցը կապված է հենց այս լարվածության հետ:
Սակայն Armlur.am-ի հետ զրույցում ՀՀԿ խմբակցության ղեկավար Վահրամ Բաղդասարյանը նշեց, որ հանդիպումը պայմանավորված չէ սահմանային լարվածությամբ, սակայն չբացառեց, որ հանդիպման ընթացքում այդ հարցն էլ կքննարկվի:
«Նախօրոք պայմանավորված հերթական հանդիպումներից է: Հիմա, որ համընկնել է կրակոցների, Ադրբեջանի ագրեսիայի հետ` չհանդիպե՞ն միմյանց»,-նշեց նա:
Բաղդասարյանը հավելեց, որ այսպիսի լարվածությունը մեզ համար առաջին անգամը չէ: «Եղել են ավելի լարված իրավիճակներ: Բնականաբար եթե որևէ երկարաձգում տեսնենք համապատասխան միջոցառումներ կձեռնարկենք: Դրանք ժամանակի ընթացքում լուծումներ կստանան», – եզրափակեց նա:
.gif)
