«Ոչ»-ի գրաֆիտիի համար ոստիկանություն է տարվել ևս մեկ անձ

Ոստիկանները քիչ առաջ Մաշտոցի պուրակից բերման են ենթարկվել ակտիվիստ Վարդան Հարությունյանին։

Սահմանադրական փոփոխությունների դեմ պայքարող «Չեք անցկացնի» շարժումը այսօր Մաշտոցի պուրակում «Ոչ»-ի գրաֆիտիներ էր անում, որի ընթացքում էլ ոստիկանության կողմից բերման էր ենթարկվել ակցիայի մասնակից մի երիտասարդ, ով այդ պահին ասֆալտի վրա գրաֆիտի էր անում:

Նշենք, որ գիշերը նման գրաֆիտիներ անելու համար բերման էին ենթարկել, իսկ հետո ազատ արձակել «Չեք անցկացնի» նախաձեռնության ևս չորս անդամների։