ՊԱՏԱՍԽԱՆ. Հարցման վերաբերյալ հայտնում ենք, որ յուրաքանչյուր ֆինանսական կազմակերպություն, այդ թվում՝ բանկերը, իրենք են սահմանում իրենց ներքին վարկային քաղաքականությունը (վարկ ստանալու համար պահանջվող փաստաթղթեր, գրանցման հետ կապված պահանջներ եւ այլն):

Նշենք, որ համաձայն օրենքների եւ կանոնակարգերի՝ ֆիզիկական անձանց ծառայություններ մատուցող բոլոր բանկերը հրապարակում են (ինտերնետային կայքերի, բուկլետների, թերթոնների միջոցով) իրենց կողմից մատուցվող ծառայությունների վերաբերյալ մանրամասն տեղեկություններ (այդ թվում՝ վարկ ստանալու համար պահանջվող փաստաթղթերը): Հաշվի առնելով այն հանգամանքը, որ նշված պայմանները հիմնականում տարբերվում են ըստ բանկերի, խորհուրդ ենք տալիս Ձեզ փնտրել այդ տեղեկությունները ըստ բանկի եւ ըստ պահանջվող վարկատեսակի:

Ֆինանսական ծառայությունների մասին սպառողների շահերին վերաբերող տեղեկություններ ստանալու համար կարող եք դիմել ֆինանսական հաշտարարի գրասենյակ՝ 58-23-21 հեռախոսահամարով կամ այցելել գրասենյակի կայք՝ http://fsm.am/ հասցեով:

«ԺՈՂՈՎՈՒՐԴ». Գաղտնիք չէ, որ ՀՀ քաղաքացիները հիմնականում սոցիալական վատ պայմաններից ելնելով են ստիպված լինում վարկ վերցնել՝ գոնե այս կերպ փորձելով վերադարձնել ժամանակի ընթացքում կուտակած իրենց պարտքերը: Միայն զարմանալի է, թե բանկերն ինչ սկզբունքներ են սահմանում քաղաքացիներին վարկեր տրամադրելու հարցում: