Ոստիկանության Կապանի բաժին է դիմել 45-ամյա մի տղամարդ եւ հայտնել, որ հուլիսի 27-ին, ժամը 08.30-ի սահմաններում, Շահումյան փողոցի թիվ 29 շենքի հարեւանությամբ գտնվող առեւտրի իր կրպակից գողացել են իր դրամապանակը, որի մեջ եղել է 380.000 դրամ:
Ոստիկանության մամուլի ծառայությունից հայտնում են, որ ոստիկանության ծառայողների ձեռնարկած միջոցառումներով պարզվել է, որ նշված գողությունը կատարել է 39-ամյա Էդուարդ Ա.-ն: Էդուարդ Ա.-ն Գորիս քաղաքից բերման է ենթարկվել ոստիկանության Կապանի բաժին: Նրա խուզարկությամբ հայտնաբերվել է 300.000 դրամ գումար:
Հայտնաբերվածի կապակցությամբ Էդուարդ Ա.-ն բացատրություն է տվել, որ նշված գումարը տուժողի առեւտրի տաղավարից գողացված գումարի մի մասն է, մնացածը ծախսել է իր անձնական կարիքների համար, իսկ դրամապանակը պատռել եւ նետել է Սյունիք գյուղի տարածքում: Դրամապանակը Էդուարդ Ա.-ի մատնանշած վայրից հայտնաբերվել է: Նախապատրաստվում են նյութեր:
.gif)
