Ապրիլի 26-ի գիշերը ադրբեջանական կողմի վերսկսած արկակոծության հետևանքով Մարտակերտ քաղաքի խաղաղ բնակիչների շրջանում զոհեր և վիրավորներ չկան:
Այս մասին «Արցախպրես»-ի հետ զրույցում հաստատեց Մարտակերտի շրջանային բուժմիավորման գործադիր տնօրեն, գլխավոր բժիշկ Գագիկ Օհանյանը:
«Անցած գիշեր թշնամու կողմից վերսկսված հրետակոծությունից քաղաքում կրկին ավերածություններ կան, բարեբախտաբար, խաղաղ բնակիչների շրջանում զոհերի և վիրավորների մասին ահազանգեր չկան»,- ասել է Մարտակերտի գլխավոր բժիշկը և հավելել, որ նման ահազանգեր չեն եղել նաև Ներքին Հոռաթաղ և շրջանի այլ համայնքներից, որոնք ևս ենթարկվել են թշնամու հրետակոծությանը:
Հիշեցնենք, որ ՊԲ-ի տարածած հաղորդագրության համաձայն՝ անցած գիշեր ադրբեջանական զինուժի կողմից հրետակոծության են ենթարկվել Մարտակերտ, Ներքին Հոռաթաղ և այլ խաղաղ բնակավայրեր:
.gif)
