Կորոնավիրուսային իրավիճակն աշխարհում մայիսի 9-ի տվյալներով։ Չինաստանը, որտեղ գրանցվել է կորոնավիրուսի առաջին դեպքը, այժմ աշխարհում զբաղեցնում է միայն 11-րդ տեղը։ Դրան զուգահեռ, առաջին տասնյակում են գտնվում ԱՄՆ-ն և Եվրոպան։
Ընդհանուր առմամբ, կորոնավիրուսով վարակվածների թիվն աշխարհում հատել է 4 մլն-ի սահմանը։ Մայիսի 9-ի տվյալներով, մոլորակի վրա COVID-19-ով վարակվածների թիվը 4 մլն 14 հազար 401 է։ Իսկ մահացել է 276 հազար 238 մարդ։
Առաջին տեղում վիրուսի տարածվածության առումով շարունակում է մնալ ԱՄՆ-ն, որտեղ վիրուսը հաստատվել է արդեն 1 մլն 322 հազար 163 մարդու մոտ, իսկ մահացել է 78 հազար 616-ը։
Երկրորդ տեղում Իսպանիան է․ հաստատված դեպքեր՝ 260 հազար 117, մահվան դեպքեր՝ 26 հազար 299։
Իտալիա՝ 217 հազար 185 վարակակիր, մահվան դեպք՝ 30 հազար 201։
Առաջին տասնյակում են նաև Մեծ Բրիտանիան, Ֆրանսիան, Ռուսաստանի Դաշնությունը, Գերմանիան, Բրազիլիան, Թուրքիան և Իրանը։
.gif)
