Ինչպես հայտնի է` ԼՂՀ ԱԺ ընտրություններին որպես միջազգային դիտորդ ներկա են ՀՀ ԱԺ պատգամավորները` խորհրդարանի փոխխոսնակ Էդուարդ Շարմազանովի գլխավորությամբ:
Հայկական պատվիրակության անդամները շրջում են ամբողջ ԼՂՀ-ի տարածքով և հետևում ընտրությունների ընթացքին: Armlur.am-ի թղթակիցը հայտնում է, որ հայ պատգամավորներն արդեն եղել են Շուշիում, Հադրութում, Մարտակերտում և հետևել ընտրությունների ընթացքին:
Armlur.am-ը զրուցեց ՀՀ ԱԺ փոխխոսնակ Էդուարդ Շարմազանովի հետ, ով մեզ հետ զրույցում նշեց, թե արցախցին գիտի ինչի համար է քվեարկում և ընդգծեց, որ մինչ այժմ ամեն ինչ խաղաղ է ընթանում, ոչ մի խախտում չի եղել:
«Արցախցին հասկանում է, որ կառուցում է իր վաղվա ապագան և գիտի, թե այս ընտրությունն իր համար ինչ նշանակություն ունի և ինչ արդյունք կտա», – նշեց Շարմազանովը` ընդգծելով, որ Արցախում օբյեկտիվ ու անաչառ ընտրություններ են ընթանում:
.gif)
