ԱՍՈՒԼԻՍՆԵՐ`
Մայիսի 18-ին՝ ժամը 14:00-ին, «Նարեկացի» արվեստի միությունում տեղի կունենա նկարիչ Արշոյի (Արշավիր Կիրակոսյանի)հիշատակին նվիրված գեղանկարների ցուցահանդեսը: Ցուցահանդեսը կազմակերպվում է նկարչի ընկերների նախաձեռնությամբ: ԱրշավիրԿիրակոսյանն ունեցել է բազմաթիվ խմբակային և անհատական ցուցահանդեսներ: Նրա ստեղծագործությունները ներկայացված ենՀայաստանի և արտասահմանի տարբեր թանգարաններում, ցուցասրահներում և մասնավոր հավաքածուներում (Անգլիա, Կանադա, ԱՄՆ,Ռուսաստան, Ռիգա, Ֆրանսիա, Հոլանդիա և այլն): Արշոն նկարահանվել է «Քրմուհին» և «Պատմության 36 պահապանները» ֆիլմերում.վերջինում մարմնավորել է Մեսրոպ Մաշտոցին: Մուտքն ազատ է:
***
Մայիսի 18-ին ՀՀ ԳՆ սննդամթերքի անվտանգության պետական ծառայության և Հայաստանի ազգային ագրարային համալսարանի միջև կստորագրվի համագործակցության հուշագիր: Արարողությունը տեղի կունենա ժամը 13:00-ին՝ Հայաստանի ազգային ագրարային համալսարանի ռեկտորատի նիստերի դահլիճում ( հասցե՝ ք.Երևան, Տերյան 74):
***
Հինգշաբթի` մայիսի 18–ին, ժամը 11:00–ին «Նովոստի–Արմենիա» մամուլի կենտրոնում կկայանա ասուլիս «Ռուսաստան–Հայաստան–Արցախ. մարդասիրական գործակցություն ստեղծագործության և արվեստի ոլորտի նախագծերում» թեմայով։
Մամուլի ասուլիսի ընթացքում ծրագրվում է քննարկել Ռուսաստանի, Հայաստանի և Արցախի հումանիտար գործակցության հարցեր։ Կանցկացվի նաև «Մեր Պուշկինը» յուրահատուկ գրական մրցույթի ներկայացումը, որի մասնակիցներին առաջարկվել է փոխադրել ռուս մեծ բանաստեղծի սյուժեները ժամանակակից ոճով։
Մամուլի ասուլիսի մասնակիցներն են`
– հրապարակախոս, հումանիտար փոխգործակցության նախագծերի հեղինակ Դենիս Դվորնիկովը (Ռուսաստան),
– Ռուս–հայկական (Սլավոնական) համալսարանի ռեկտորի օգնական, event-manager Գոհար Ղումաշյանը (Հայաստան)
– «Կերպար» գրական ակումբի պատասխանատու քարտուղար Նարինե Դավիդյանը
***
Մայիսի 18-ին ժամը 11:30-ին «Նոյյան Տապան» լրատվական գործակալության մամուլի սրահում (Իսահակյան 28. 3-րդ հարկ) տեղի կունենա ասուլիս՝ ավտովարորդների մասնակցությամբ։
Թեման՝ «Ավտովարորդներն ընդդեմ ՀՀ տրանսպորտի, կապի և տեղեկատվական տեխնոլոգիաների նախարարի վերանշանակման. պահանջներ և հետագա քայլեր»։
Բանախոսներն են՝
Տիգրան Հովհաննիսյան -«Ավտովարորդների պաշտպանության լիգայի» նախագահ
Լիգայի անդամներ և տաքսու վարորդներ
.gif)
