Ավագանու «Հանրային ձայն» խմբակցության ղեկավար Վահան Ավագյանը՝ իր լիազորությունները դադարեցնելու մասին

«Հանրային ձայն» կուսակցության կառավարման խորհուրդն այսօր հայտարարություն էր տարածել, որ դադարեցվել են Երևանի ավագանու «Հանրային ձայն» խմբակցության ղեկավար Վահան Ավագյանի լիազորությունները, և վերջինիս որոշումները կասեցվել են:
ArmLur.am-ի հետ զրույցում վերջինս ասաց, որ տեղյակ չէ որոշման մասին:

-Պարո՛ն Ավագյան, ինչու՞ է կուսակցության խորհուրդը ձեր լիազորությունները դադարեցել, ո՞րն է պատճառը:

-Ես տեղյակ չեմ դրա մասին, մամուլից եմ իմացել: Չգիտեմ՝ այդ որոշումներն ո՞վ է ընդունում, օրենքի ուժ ունի՞, թե՞ ոչ, ի՞նչ է նշանակում այդ գրածը: Այն ինչ տեսել եք, հրապարակային է եղել, բոլորը տեսել են հայտարարությունը ու ինձ մոտ էլ է դա հարցեր առաջացրել, կճշտեմ հետագայում, դեռ ոչ մի գործողություն չեմ արել:

-Իսկ չե՞ք փորձել կապվել կուսակցության խորհրդի հետ՝ պարզաբանում ստանալու:

-Ոչ, չեմ փորձել ոչ մեկի հետ կապվել, չեմ էլ փորձելու: Ես չգիտեմ էլ՝ կուսակցության խորհուրդն ի՞նչ նիստ է արել, ովքե՞ր են որոշումներ կայացրել:
Ես հրապարակային ֆրակցիայի անունից հայտարարություն էի տարածել, որ մեր կողմից ընդունելի չէ, և մենք չենք մասնակցել ոչ մի նիստի:

-Դուք կուսակցության փոխնախագահն եք, նիստ են արել ու ձեզ չե՞ն տեղեկացրել այդ մասին:

-Չգիտեմ, ես չեմ ուզում մեկնաբանել ներքին հարցերը, չեմ ուզում դրա մասին խոսել: Այն ինչ տեսել եք, հրապարակային է եղել, բոլորը տեսել են ու ինձ մոտ էլ է հարցեր առաջացրել՝ կճշտեմ հետագայում, ոչ մի գործողություն չեմ արել, միայն մի բան կասեմ՝ շարունակում եմ դեռ Արտակ Գալստյանի կողմից «մերսիներ» ստանալ:

Քրիստինա Մուշեղյան