Նարեկացի արվեստի միությունում այսօր` երեկոյան ժամը 18:00-ին, «Հիմնադիր խորհրդարան»-ը հրավիրում է հանրային քննարկման, որին հրավիրված են լինելու նաև կուսակցություններ: Այս մասին Armlur.am-ի հետ զրույցում ասաց ՀԽ պատգամավոր Գարեգին Չուգասզյանը:
Վերջինս նշեց, որ քննարկմանը հրավիրել են բոլոր այն կուսակցություններին, հասարակական կազմակերպություններին, իրավապաշտպաններին, ովքեր երբևէ արտահայտվել են քաղբանտարկյալների վերաբերյալ:
«Հրավիրել ենք բոլոր այն քաղաքական ուժերին, հասարակական կազմակերպություններին, իրավապաշտպաններին, լրագրողներին, որոնք այս կամ այն առիթով հրապարակայնորեն արտահայտվել են քաղաքական հալածանքների դեմ»,- ասաց Չուգասզյանը:
Հիշեցնենք, որ մայիսի 30-ին ժամը 18:30-ին «Հիմնադիր խորհրդարան»-ն Ազատության հրապարակում հանրահավաք է անցկացնելու: Չուգասզյանը նշեց, որ հանրահավաքի հետ կապված Երևանի քաղաքապետարանը որևէ խոչընդոտ չի ստեղծել և իրենց ծանուցումն ընդունվել է որպես ի գիտություն:
.gif)
