Երեկ «Ժողովուրդ»-ի խմբագրություն ահազանգեցին Կոտայքի մարզի Գառնի համայնքի մի խումբ բնակիչներ եւ դժգոհեցին՝ նշելով, որ Գառնի-Երեւան հասարակական տրանսպորտի ուղեվարձը նախկին 250 դրամի փոխարեն դարձել է 300 դրամ, եւ վարորդներն ընդհանրապես հրաժարվում են 250 դրամով ուղեւոր տանել: «Ժողովուրդ»-ը խնդրի առնչությամբ զրուցեց Գառնու համայնքապետ Աշոտ Վարդանյանի հետ: «Ես տեղյակ չեմ այդ թանկացումներից: Հիմա գյուղում չեմ եւ չեմ կարող խոսել այդ մասին: Եթե այդ թանկացումն անհիմն լինի, ապա վստահեցնում եմ Ձեզ, որ մեծ աղմուկ կբարձրացնեմ: Խոստանում եմ հետեւողական լինել»,-ասաց նա:
.gif)
