Ըստ ադրբեջանական լրատվամիջոցների մարտի 17-ին Ադրբեջանի պաշտպանության նախարար, գեներալ-գնդապետ Զաքիր Հասանովը հանդիպել է պաշտոնական այցով Ադրբեջանում գտնվող Բոսնիա և Հերցեգովինայի Նախարարների խորհրդի փոխնախագահ, պաշտպանության նախարար Զուկան Հելեզի գլխավորած պատվիրակությանը։
Հյուրերը նաև այցելել են Հեյդար Ալիևի և ակադեմիկոս Զարիֆա Ալիևայի շիրիմներին։
Հանդիպմանը Ադրբեջանի պաշտպանության նախարարը ջերմորեն ողջունել է հյուրերին և իր ուրախությունը հայտնել Ադրբեջան կատարած այցի կապակցությամբ։
Ադրբեջանի պաշտպանության նախարարն իր գործընկերոջը ներկայացրել է 44-օրյա պատերազմում տարած հաղթանակներից հետո նախագահ և զինված ուժերի գերագույն գլխավոր հրամանատար Իլհամ Ալիևի գլխավորությամբ իրականացված հաջող բարեփոխումները։
Զուքան Հելեզն իր գոհունակությունն է հայտնել Ադրբեջան կատարած այցի կապակցությամբ և իր երախտագիտությունը հայտնել ջերմ հյուրընկալության համար։ Նա ընդգծել է, որ փոխադարձ այցելություններն ու նման հանդիպումները կենսական դեր են խաղում ռազմական հարաբերությունների ընդլայնման գործում։ Նա կարևորեց նաև փորձի արդյունավետ փոխանակման և համատեղ գործունեության համար մասնագետների աշխատանքային խմբի ստեղծումը։
Հանդիպմանն ընդգծվել է նաև Ադրբեջանի և Բոսնիա և Հերցեգովինայի միջև համագործակցության դրական փորձը «Գործընկերություն հանուն խաղաղության» ծրագրի և «Օպերատիվ հնարավորությունների» հայեցակարգի շրջանակներում: Երկուստեք նշվել է իրենց զինծառայողների հաջող մասնակցությունը միջազգային զորավարժություններին։
Հանդիպման ավարտին կողմերը գոհունակություն են հայտնել երկկողմ հարաբերությունների դինամիկայի վերաբերյալ և քննարկել ռազմական, ռազմատեխնիկական և ռազմակրթական ոլորտներում համագործակցության հեռանկարները։ Նրանք նաև մտքեր են փոխանակել տարածաշրջանային անվտանգության հարցերի շուրջ։
.gif)
