Հետախուզվողներից ում որտեղ հայտնաբերեցին

Բերման է ենթարկվել Մալաթիայի շուկայի հարակից տարածքից

Ոստիկանության Տավուշի բաժնի ծառայողների ձեռնարկած օպերատիվ-հետախուզական միջոցառումների շնորհիվ, դեկտեմբերի 5-ին, ժամը 09.30-ին, Երևան քաղաքի Մալաթիայի շուկայի հարակից տարածքից բերման է ենթարկվել 1972 թ. ծնված Մխիթար Խ.-ն, որը   նոյեմբերի 28-ից հետախուզվում էր ՀՀ քրեական օրենսգրքի 177 հոդվածի /գողություն/ 2-րդ մասի 1-ին կետի մեղադրանքով:

Հայտնաբերվեց Վանաձորի Բանյոյի փողոցում

Ոստիկանության Տարոնի բաժնի ծառայողների ձեռնարկած օպերատիվ-հետախուզական միջոցառումների շնորիվ, դեկտեմբերի 5-ին, ժամը 9.55-ին, Վանաձորի Բանյոյի փողոցի թիվ 4 շենքի մոտից հայտնաբերվել և բերման է ենթարկվել 1958 թ. ծնված Աշոտ Օ.-ն, որը   նոյեմբերի 27-ից հետախուզվում էր ՀՀ քրեական օրենսգրքի 185 հոդվածի /գույքը դիտավորությամբ ոչնչացնելը կամ վնասելը/ 1-ին մասի մեղադրանքով:

Հայտնաբերվեց Արարատ քաղաքի գերեզմանատան հարակից տարածքում

Ոստիկանության Տավուշի բաժնի ծառայողների ձեռնարկած օպերատիվ-հետախուզական միջոցառումների շնորհիվ, դեկտեմբերի 5-ին, ժամը 09.30-ին, Արարատ քաղաքի գերեզմանատան հարակից տարածքից բերման է ենթարկվել 1961 թ. ծնված Արամ Ա.-ն, որը  նոյեմբերի 28-ից հետախուզվում էր ՀՀ քրեական օրենսգրքի 177 հոդվածի  /գողություն/ 2-րդ մասի 1-ին կետի մեղադրանքով:

Մոսկվա-Երևան չվերթով ՀՀ է տեղափոխվել

Հոկտեմբերի 5-ին, ժամը 20.40-ին,  ոստիկանության քրեական հետախուզության գլխավոր վարչության  օպերատիվ խմբի կողմից Մոսկվա-Երևան չվերթով ՀՀ է տեղափոխվել 1978 թ. ծնված Արթուր Մ.-ն, որը 2013 թ. օգոստոսի 20-ից ոստիկանության Մալաթիայի բաժնի կողմից հետախուզվում էր  ՀՀ քրեական  օրենսգրքք 178 հոդվածի /խարդախություն/ 3-րդ մասի 1-ին կետի մեղադրանքով: