ՏԵՍԱՆՅՈՒԹ. Սասուն Խաչատրյանը՝ Հակակոռուպցիոն կոմիտեի նախագահ

Սասուն Խաչատրյանը նշանակվեց նորաստեղծ Հակակոռուպցիոն կոմիտեի նախագահ: Հարցն ընդգրկված էր Կառավարության նիստի օրակարգում, որը վարում է փոխվարչապետ Սուրեն Պապիկյանը։

Հիշեցնենք, որ ավելի վաղ «Ժողովուրդ» օրաթերթը գրել էր, որ Հատուկ Քննչական ծառայության պետ Սասուն Խաչատրյանն առաջիկայում նոր պաշտոն է ստանալու: Հակակոռուպցիոն կոմիտեի ձևավորումից հետո նա նշանակվելու է այդ կառույցի նախագահի պաշտոնում:

Նշենք՝ Կոռուպցիոն հանցագործությունների բացահայտման և քննության միասնական նոր մարմնի ղեկավարի մրցույթին հայտ էր ներկայացրել երեք թեկնածու՝ Հատուկ քննչական ծառայության պետ Սասուն Խաչատրյանը, փաստաբան Գառնիկ Թորոսյանը և Կենտրոնական բանկի նախկին աշխատակից Դավիթ Մկրտումյանը։ Նրանք բոլորն էլ հաղթահարել էին անցողիկ շեմը, սակայն առավելագույն միավոր էր ստացել՝ Սասուն Խաչատրյանը։