Թուրքիան հրաժարվել է դուրս բերել իր զորքերը Իրաքից և Սիրիայից

Թուրքիան մտադիր չէ իր զորքերը դուրս բերել Հյուսիսային Իրաքում և Սիրիայում գտնվող բազային շրջաններից, որտեղ հատուկ ռազմական գործողություններ է սկսել երկրում արգելված Քրդստանի աշխատավորական կուսակցության (PKK) դեմ։ Այս մասին գրում է Hurriyet-ը։

Հոդվածում նշվում է, որ «Ահաբեկչությունն իր սկզբնաղբյուրում վերացնելու ծրագիրը», որը հաջողությամբ իրականացվել է PKK-ի և ԻՊ-ի դեմ, կշարունակվի թարմացվել և իրագործվել։ Թուրքիայի սահմաններից դուրս ահաբեկիչներին ոչնչացնելու ռազմավարությունը կամրապնդվի և կշարունակվի։

«Մեր ժամանակավոր բազայի տարածքները լքելու նման բան չկա: PKK-ն ցանկանում է, որ Թուրքիան հրաժարվի այս բազայի տարածքներից։ Ենթադրվում է, որ հիմնական տարածքներից հրաժարվելը օգուտ կբերի PKK-ին»,- գրում է Hurriyet-ը:

Հրապարակման մեջ ընդգծվում է, որ թուրքական իշխանությունները ռազմական առումով ոչ մի փոփոխություն չեն կատարել, Իրաքում և Սիրիայում հենակետային տարածքները կամրապնդվեն և կմաքրվեն ահաբեկիչներից։