Կավելաշվիլին 2022 թվականի հունիսին մի քանի այլ պատգամավորների հետ հեռացավ «Վրացական երազանք» կուսակցությունից և հիմնադրեց «Ժողովրդի ուժ» քաղաքական շարժումը:
Միխայիլ Կավելաշվիլին՝ Վրաստանի ներկայիս իշխանող կուսակցության «Վրացական երազանք»-ի թեկնածուն էր, ով պաշտոնապես ընտրվեց Վրաստանի նախագահի պաշտոնում:
Նրա երդմնակալությունը տեղի կունենա այն ժամանակ, երբ ավարտվեն երկրի հինգերորդ նախագահ Սալոմե Զուրաբիշվիլիի լիազորությունները:
Միխայիլ Կավելաշվիլին ծնվել է 1971 թվականի հուլիսի 22-ին Բոլնի քաղաքում: 1989 թվականին ընդունվել է Թբիլիսիի պետական համալսարանի տնտեսագիտության ֆակուլտետ, իսկ 1990 թվականին սկսվել է նրա հաջողակ սպորտային կարիերան:
1988-1995 թվականներին ֆուտբոլիստը խաղացել է «Դինամո Թբիլիսի» ակումբում, հետո տեղափոխվել է Վլադիկավկազի «Ալանիա», խաղացել է «Մանչեսթեր Սիթի», «Գրաշոֆեր» և մի քանի այլ եվրոպական ակումբներում:
Նա ունի ՈւԵՖԱ-ի լիցենզիա՝ պրոֆեսիոնալ մարզիչի գործունեություն ծավալելու համար: Ֆուտբոլի ոլորտի փորձագետ է:
Կավելաշվիլին՝ Վրաստանի ֆուտբոլի հավաքականի նախկին հարձակվող և Վրաստանի խորհրդարանների երեք գումարումների պատգամավոր է եղել՝ 2016-2020, 2020-2024 և 2024-2028 թվականներին:
2022 թվականի հունիսին նա, մի քանի այլ պատգամավորների հետ, հեռացավ «Վրաստանի երազանք»-ից և հիմնադրեց «Ժողովրդի ուժ» քաղաքական շարժումը, որը 2024 թվականին վերածվեց կուսակցության: «Ժողովրդի ուժը» դարձավ «Վրացական երազանքի» քաղաքական գործընկերը:
Միխայիլ Կավելաշվիլին, Դմիտրի Հունդաձեն, Սոզար Սուբարին և այլոք բացատրեցին իրենց հեռացումը «Վրացական երազանք»-ից այն ցանկությամբ, որ կարողանան բացահայտորեն խոսել ժողովրդի հետ՝ կարևոր հարցերի շուրջ, առանց իշխանական կուսակցությունը դնելու դժվար կացության մեջ: Նրանք առաջիններից էին, ովքեր բարձրաձայնեցին, որ Վրաստանի իշխանությունները դառնում են անարդար հարձակումների թիրախ՝ Արևմուտքից, քանի որ մերժում էին պատժամիջոցներ կիրառել Ռուսաստանի դեմ և ներգրավվել Ուկրաինայում տեղի ունեցող զինված հակամարտությունում:
Այսօր Վրաստանի ներկայիս XI գումարման խորհրդարանում են «Ժողովրդի ուժ»-ի ներկայացուցիչները՝ «Վրացական երազանք»-ի կուսակցական ցուցակով:
Էմմա Միքայելյան
.gif)
