Ադրբեջանական լրատվամիջոցները հայտնում են, որ առաջիկայում Ադրբեջանից Հայաստան կուղարկվի դիզելային վառելիքի հերթական խմբաքանակը։
Ըստ հաղորդումների՝ երկաթուղային ճանապարհով նախատեսվում է ուղարկել 16 վագոն դիզելային վառելիք։
Հիշեցվում է, որ դեռևս 2025 թվականի հոկտեմբերի 21-ին Ադրբեջանի նախագահ Իլհամ Ալիևը հայտարարել էր, որ Ադրբեջանը վերացրել է Հայաստան բեռնափոխադրումների տարանցման բոլոր սահմանափակումները։ Առաջին նման բեռը եղել էր Ղազախստանից Հայաստան ուղարկված հացահատիկը։
Ադրբեջանական աղբյուրների փոխանցմամբ՝ վերջին ամիսներին շարունակվել են տարբեր բեռների մատակարարումները դեպի Հայաստան։ Մասնավորապես՝
- 2025 թվականի դեկտեմբերի 18-ին SOCAR-ը Հայաստան էր ուղարկել 1220 տոննա ԱԻ-95 բենզին,
- 2026 թվականի հունվարի 9-ին ուղարկվել էր ընդհանուր 2698 տոննա բեռ՝ ներառյալ բենզին և դիզելային վառելիք,
- հունվարի 11-ին՝ 18 վագոն բենզին,
- փետրվարի 25-ին՝ 4500 տոննա դիզելային վառելիք,
- մարտի 5-ին՝ 31 վագոն դիզելային վառելիք և պարարտանյութ,
- մարտի ընթացքում նաև մի քանի խմբաքանակով հացահատիկ և այլ բեռներ,
- ապրիլին՝ նոր խմբաքանակներ դիզելային վառելիքի և պարարտանյութերի։
Այսպիսով, ադրբեջանական լրատվամիջոցները նշում են, որ էներգակիրների և այլ բեռների մատակարարումները շարունակական բնույթ են կրում, իսկ նոր՝ 16 վագոն դիզելային վառելիքի ուղարկումը հերթական նման քայլն է։
Անի Վարդանյան
.gif)
