Հուլիս 11, 2012

Լիբիայից Իտալիա մեկնող անօրինական 54 ներգաղթյալներից 53-ը մահացել են Միջերկրական ծովում՝ ծարավից։ Այդ մասին պատմել է միակ ողջ մնացած մարդը, ով ստիպված է եղել ծովի ջուր խմել։ 15 օր տեւած նավարկությունն ավարտվել է Թունիսի ափերի մոտ։ Ներգաղթյալներին արգելված է եղել իրենց հետ շշերով ջուր վերցնել: Փչովի նավակի ուղեւորները մահացել են խմելու ջուր չլինելու պատճառով, նավակը …

2012 թվականի առաջին կիսամյակում Լեզվի պետական տեսչության կողմից երեք միլիոն դրամի չափով տուգանվել է 60 տնտեսվարող: Լեզվի պետական տեսչության պետ Սերգո Երիցյանը լրագրողների հետ հանդիպման ժամանակ  հայտնեց, որ ոլորտում առկա մի շարք խնդիրները չեն լուծվում օրենսդրության անկատարության պատճառով. “Մենք ունենք երեք օրենսդրական նախաձեռնություն լեզվի մասին, որոնք կներկայացվեն ԱԺ-ի քննարկմանը սեպտեմբերին”,- ասաց Երիցյանը:  

Երևանի Բաշինջաղյան-Մարգարյան փողոցների խաչմերուկի մոտ մոտոցիկլետ է այրվել: Ահազանգն այդ մասին ՀՀ արտակարգ իրավիճակների նախարարություն ստացվել է հուլիսի 10-ին` ժամը 20.36-ին:Հրդեհը մեկուսացվել է ժամը 20.45-ին, մարվել՝ 20.49-ին: Այրվել է Հովհաննես Վարդանյանին պատկանող մոտոցիկլետը՝ ամբողջությամբ:

Փոփ երաժշտության թագուհի Մադոնան որոշել է աճուրդի հանել 1926-ին կառուցված Բեւերլի-Հիլզում գտնվող իր շքեղ ամառանոցը։ Երգչուհին այն գնհատել է 18.495.000 դոլար։ Ամառանոցի ընդհանուր մակերեսը 6458 քառակուսի ֆութ է։ Հարեւանները նույնպես հայտնի դեմքեր են։

“Քաղաքացիների առաջարկությունները, դիմումները եւ բողոքները քննարկելու կարգի մասին” ՀՀ օրենքի համաձայն` ԱԺ քարտուղարությունը հրապարակում է 2012 թ. երկրորդ եռամսյակում ստացված նամակների քննարկման արդյունքների համառոտ տեղեկատվությունը: Ընդունվել, գրանցվել եւ ԱԺ նախագահին է հանձնվել քաղաքացիների 232, փոխնախագահներին` 62 նամակ: ԱԺ նախագահը եւ փոխնախագահները պատասխանել են բոլոր նամակներին: ԱԺ մշտական հանձնաժողովներին է հանձնվել քաղաքացիների 344 նամակ. պատասխանել են …

ԵԱՀԿ Մինսկի խմբի համանախագահներ Իգոր Պոպովը, Ռոբերտ Բրադկեն և Ժակ Ֆորը, ինչպես նաև ԵԱՀԿ գործող նախագահի անձնական ներկայացուցիչ Անժեյ Կասպերշիկը հերթական դիտարկման ընթացքում հատել են սահմանը և անցել Արցախ: Այս մասին հայտնում է ,ԱՊԱե գործակալությունը: Ինչպես ավելի վաղ նշել էինք, ԵԱՀԿ գործող նախագահի անձնական ներկայացուցչի մանդատի համաձայն` հուլիսի 11-ին դիտարկում կանցկացվի Հայաստանի և Ադրբեջանի շփման …

Կասկադի տարածքում կհավաքվեն ավելի քան 40 երկվորյակներ, որոնք բնակվում են Հայաստանում: Նրանք պետք է ֆոտոնկարահանվեն ֆոտո-գրքի, ինչպես նաև “THE TWINS.Երկվորյակներ” վավերագրական ֆիլմի համար: Այս նախագծի հեղինակն է Ելենա Ֆրոլովա-Տրուֆանովան, ով աշխատել է տարբեր տարիքի և մասնագիտությունների երկվորյակների հետ, այցելել է Ռուսաստանի 40-ից ավելի քաղաքներ, նախկին սովետի պետություններ և եվրոպական երկրներ:

Էրզրում քաղաքում տեղի է ունեցել ծանր ճանապարհատրանսպորտային պատահար: Արդահանից Անկարա մեկնող ուղեւորատար ավտոբուսն Էրզրումի նահանգի Թորթումի շրջանում կամրջից ընկել է ձորը, ինչի հետեւանքով զոհվել է 5 մարդ, ինչպես նաեւ տարբեր աստիճանի մարմնական վնասվածքներ է ստացել 44 մարդ: Տուժածներին տեղափոխել են մոտակա հիվանդանոցներ:

Այսօր  նշվում է բնակչության միջազգային օրը։ Այն հռչակվել է 1989-ի ՄԱԿ-ի կողմից: Այս օրվա հռչակման նախապատմությունը կապված է 1987-ի հուլիսի 11-ին լույս աշխարհ եկած 5-միլիարդերորդ քաղաքացու հետ: ՄԱԿ-ը հուլիսի 11-ը կոչեց Հինգ միլիարդի օր: Ըստ մասնագետների կանխատեսումների՝ 2050-ին մեր մոլորակի վրա ապրողների թիվը կանցնի 10 միլիարդից:

Հուլիսի 10-ին, ժամը 20.12-ին ահազանգ է ստացվել, որ Էջմիածին-Արմավիր ավտոճանապարհի 3-րդ կմ-ում գտնվող ջրհորը շուն է ընկել եւ անհրաժեշտ է փրկարարների օգնությունը: Հայաստանի ԱԻՆ փրկարար ծառայությունից  հայտնում են, որ դեպքի վայր է մեկնել մեկ մարտական հաշվարկ: Հրշեջ-փրկարարները ջրհորից անվնաս հանել են վեց շան ձագ