Այսօր Հայ ազգային կոնգրեսը Կենտրոնական ընտրական հանձնաժողով դիմում է ներկայացրել` պահանջելով անվավեր ճանաչել սահմանադրական փոփոխությունների հանրաքվեն: Armlur.am-ն այս առնչությամբ զրուցեց ՀՀԿ խմբակցության պատգամավոր Համլետ Հարությունյանի հետ` պարզելու նրա տեսակետը:
-Պարոն Հարությունյան, այսօր ՀԱԿ խմբակցությունը ԿԸՀ դիմում է ներկայացրել , ըստ որի, պահանջում է անվավեր ճանաչել սահմանադրական փոփոխությունների հանրաքվեն: Դուք արդարացի համարում եք նրանց պահանջը:
-Ես գնահատական տվող չեմ: Արդարացի, անարդարացին ես չեմ որոշողը: Ընդհանուր կարծիքս այն է, որ հանրաքվեն կայացել է` իր թերություններով և իր առավելություններվ հանդերձ:
-«Նոր Հայաստան» հանրային փրկության ճակատը շարունակում է հանրահավաքներ անցկացնել: Ինչ կարծիք ունեք նրանց պայքարի մասին:
-Դա իրենց գործն է, իրենց խնդիրն է: Ես ինչ իմանամ` անընդհատ են հանահավաք անելու, կիսատ պռատ են անելու: Ընդդիմությունը պետք է իր գործով զբաղվի: Ընդդիմության գործը ցույցերն է, քննադատելն է: Նրանց էլ չի կարելի մեղադրել:
-Հանրահավաքների միջոցով նրանց կհաջողվի հաջողության հասնել և անվավեր ճանաչել սահմանադրական փոփոխությունների հանրաքվեն:
-Այս արդեն չեմ կարող ասել, ես Նաստրադամուսը չեմ, բայց այն թվաքանակը, այն ռեսուրսները, որ իրենք ունեն դրանով որևէ հաջողության չեն հասնի: Ի վերջո ընդդիմության նպատակը տարբեր պատճառաբանություններով իշխանության հասնելն է: Նրանք ամեն անգամ մի բան գտնելու են, որ պայքարեն և դա նրանց իրավունքն է: Այն ռեսուրսը, որ ես տեսնում եմ միտինգներին, հավաքներին, այդ ռեսուրսներով նրանք չեն կարող իրենց առջև դրված նպատակներին հասնել:
.gif)
