Քիչ առաջ «Նաիրի» բժշկական կենտրոնից Armlur.am լրատվականի թղթակցի հետ զրույցում հայտնեցին, որ քանդակագործ Արա Շիրազը ծայրահեղ ծանր վիճակում է: Արա Շիրազը փետրվարի 24-ից վերակենդանացման բաժանմունքում է և անգիտակից վիճակում է գտնվում: Քանդակագործի մոտ հայտնաբերվել է ուղեղի արյան շրջանառության սուր խանգարում. Արա Շիրազը սոմատիկ հիվանդ է:
Զրուցեցինք նաև Սիլվա Կապուտիկանի տուն-թանգարանի տնօրեն Ռաֆլետա Հաջյանի ` Արա Շիրազի մոր ` Սիլվա Կապուտիկյանի մորաքրոջ աղջկա հետ: Վերջինս մեզ հետ զրույցում ասաց, որ մինչ «Նաիրի» բժշկական կենտրոնում հայտնվելը, նա այլ հիվանդանոցում էր: «Տանն արդեն լավ չէր, ուրիշ հիվանդանոցում 4-րդ օրն Արային ինսուլտ խփեց, որից հետո բացարձակ անգիտակից վիճակում բերեցինք «Նաիրի» կենտրոն»,- ասաց տիկին Ռաֆլետան ` հավելելով, որ Շիրազին արհեստական շնչառության սարք է միացված:
Տուն-թանգարանի տնօրենն անդրադարձավ նաև այն լուրերին, թե Արա Շիրազի հարազատներից ոչ ոք քանդակագործի կողքին չէ: «Դա սուտ է, ուզում են Շիրազի անվան հետ խաղալ: Հովհաննես Շիրազի որդին ` Վանանդը Շիրազը, ամբողջ օրը հիվանդանոցում է, որտեղ է նաև իմ եղբայրը ` Հաջյան Գևորգը, ի՞նչ են ուզում»,- վրդովված ասաց տիկին Հաջյանը ` հավելելով, որ Հովհ. Շիրազի 7 երեխաներից 5-ը Հայաստանում են: ԱՄՆ-ում միայն Շիրազի երկու երեխաներն են գտնվում:
Տիկին Հաջյանը նաև տեղեկացրեց, որ կառավարական մակարդակով շատ հոգատար քանդակագործ Արա Շիրազի հանդեպ. «Զորի Բալայանը, հիվանդանոցի տնօրենն Արայի կողքին են, ավելին ` Արա Շիրազին երեք հոգի խնամող կա, որոնց վճարում է Ռալֆ Յիրիկյանը»:
Սոնա Դավթյան
.gif)
