Փաշինյանը Դավիթ Խուդաթյանին գործուղում է Վիեննա

ArmLur.am տեղեկացավ, որ ՀՀ վարչապետ Նիկոլ Փաշինյանի որոշմամբ՝ տարածքային կառավարման և ենթակառուցվածքների նախարար Դավիթ Խուդաթյանը սեպտեմբերի 13-15-ը գործուղվելու է Ավստրիայի Հանրապետություն՝ Վիեննա։

Կառավարության որոշման համաձայն՝ Խուդաթյանը Վիեննայում մասնակցելու է Ատոմային էներգիայի միջազգային գործակալության գլխավոր համաժողովի 70-րդ նստաշրջանին։

Որոշմամբ նախատեսվում է, որ նախարարի գործուղման ծախսերը կկատարվեն 2026 թվականի պետական բյուջեով Տարածքային կառավարման և ենթակառուցվածքների նախարարությանը հատկացված միջոցների հաշվին։

Գործուղումից վերադառնալուց հետո Դավիթ Խուդաթյանը եռօրյա ժամկետում պետք է ներկայացնի գործուղման արդյունքների վերաբերյալ հաշվետվություն։

Որոշումը ստորագրել է ՀՀ վարչապետ Նիկոլ Փաշինյանը։

Սոնա Գրիգորյան