Armlur.am-ը տեղեկացավ, որ այսօր ԱԺ խորհուրդը ժամը 15:30-ին նիստ է անցկացնելու։
Բանն այն է, որ վաղը մեկնարկելու է ԱԺ նստաշրջանը, և ԱԺ խորհուրդը պետք է քննարկի ու հաստատի ԱԺ օրակարգը։
Տեղեկացանք նաև, որ օրակարգում ներառված է 21 հարց։ Երկրորդ ընթերցմամբ խորհրդարանը պետք է հաստատի նաև ԱԺ ՔՊ խմբակցության պատգամավոր Հայկ Սարգսյանի հեղինակած նախագիծը։
Նշենք, որ նախագիծը վերաբերում է «Զինվորական ծառայության և զինծառայողի կարգավիճակի մասին» օրենքում լրացումներ և փոփոխություններ կատարելուն, ըստ որի՝ 27–37 տարեկան քաղաքացիները կարող են ազատվել քրեական պատասխանատվությունից՝ կամովին վերադառնալով Հայաստանի Հանրապետություն և ընտրելով նշված հինգ տարբերակներից մեկը՝
-
ծառայել 24 ամիս ժամկետով,
-
ծառայել 12 ամիս ժամկետով և պետական բյուջե վճարել 2.5 մլն դրամ,
-
ծառայել 6 ամիս ժամկետով և պետական բյուջե վճարել 5 մլն դրամ,
-
ծառայել 1 ամիս ժամկետով և պետական բյուջե վճարել 10 մլն դրամ,
-
զինվորական ծառայության փոխարեն պետական բյուջե վճարել 15 մլն դրամ։
Վաղը այս նախագիծը պետք է երկրորդ ընթերցմամբ և վերջնական ընդունվի։
Սոնա Գրիգորյան
.gif)
