Ռուսաստանի Անվտանգության խորհրդի քարտուղար Սերգեյ Շոյգուն հայտարարել է, որ Հայաստանի և Ադրբեջանի միջև հարաբերությունների կարգավորումն արդյունքներ է տալիս, իսկ Հարավային Կովկասում իրավիճակը բարելավման միտում ունի։
Շոյգուն այս մասին ասել է ԱՊՀ երկրների անվտանգության խորհուրդների քարտուղարների նիստում։
Նա ընդգծել է տարածաշրջանում տրանսպորտային հաղորդակցությունների ապաշրջափակման կարևորությունը։
Հիշեցնենք, որ Մոսկվայում անցկացվել է ԱՊՀ երկրների անվտանգության խորհուրդների քարտուղարների 14-րդ ամենամյա հանդիպումը։ Նիստի ընթացքում քննարկվել են ԱՊՀ տարածքում անվտանգության մարտահրավերներն ու սպառնալիքները, ինչպես նաև դրանց արձագանքման հնարավոր համատեղ միջոցառումները։
Հանդիպմանը Ադրբեջանը ներկայացրել է Անվտանգության խորհրդի քարտուղար Ռամիլ Ուսուբովը, իսկ Հայաստանը՝ Անվտանգության խորհրդի քարտուղար Ալեն Սիմոնյանը։
Անի Վարդանյան
.gif)
