Օգոստոս 22, 2012

Երեկ ահազանգ է ստացվել, որ Սյունիքի մարզում` Կապանի Շահումյան փողոցի մոտ, քաղաքացի է ընկել Ողջի գետը։ Դեպքի վայր է մեկնել մարզային փրկարարական ջոկատը։ ԱԻՆ-ի հաղորդմամբ, փրկարարները գետից դուրս են բերել Վարդուշ Արզումանյանին (մոտ 60 տ.) և տեղափոխել Կապանի կենտրոնական հիվանդանոց: Ըստ բժիշկների` տուժածի առողջական վիճակը միջին ծանրության է: 

Օգոստոսի 22-ին, ժամը 11.32-ին տեղեկություն է ստացվել, որ ժամը 10.27-ին թունավորման նախանշաններով “Սուրբ աստվածամայր” բժշկական կենտրոն է տեղափոխվել Ֆուչիկի փողոցի թիվ 20 շենքի 16-րդ բնակարանի բնակչուհի` 3-ամյա Գոհար Սերոբյանը: ԱԻՆ լրատվական ծառայությունից հայտնում են, թե բժիշկները տուժածի առողջական վիճակը գնահատել են բավարար:

Լուսանկարն արվել է Երեւանի Հյուսիսային պողոտայում: Ավելի քան հինգ հարյուր տարվա պատմություն ունեցող դիդջերիդով՝ երաժշտական այս փողային գործիքով գումար հավաքող այլազգին զարմացրել էր անցորդներին: Ուշագրավ է նաեւ այն փաստը, որ անգամ օտարերկրացիներն են հաց մուրում մեր երկրում:

Օգոստոսի 22-26-ին հանրապետության տարածքում սպասվում է առավելապես առանց տեղումների եղանակ: Քամին արևելյան 3-8 մ/վրկ: Օդի ջերմաստիճանն օգոստոսի 25-26-ը կբարձրանա 2-3 աստիճանով: Մինչև ամսի 26-ը Երևանում սպասվում է առանց տեղումների եղանակ: Երեկոյան ժամերին սպասվում է քամու ուժգնացում 18-23 մ/վրկ:

Ըստ razm.info-ի՝ Տավուշի մարզից տեղեկացնում են, որ ադրբեջանցիները խոշոր տրամաչափի գնդացիրներից սկսել են գնդակոծել Այգեպար, Ներքին Կարմիր աղբյուր և Մովսես գյուղերը։ Տեղեկությունը հաստատել է նաև Այգեպարի գյուղապետը։ Պաշտոնական մեկնաբանություններ առայժմ չկան:

ՀՀ գյուղատնտեսության նախարարության սննդի անվտանգության ծառայությունն ավարտել է ուսումնասիրությունը մսամթերքի և պաղպաղակի շուկայում: Այդ մասին ևևՓաստինֆոևև-ի հետ զրույցում տեղեկացրել է Սննդի անվտանգության ծառայության հասարակայնության հետ կապերի բաժնի պետ Բաբկեն Պիպոյանը: ևևՊաղպաղակի շուկայում հայտնաբերված մակնշման և սառնարանների հետ կապված խախտումների մասին նշել էինք դեռ օգոստոսի սկզբին հրավիրած ասուլիսի ժամանակ: Հետագայում այլ խախտումներ չհայտնաբերվեցին: Թեև դիտարկումն իրականացվել …

Օգոստոսի 22-ին պաշտոնապես մեկնարկում է Արարատի, Արմավիրի, Լոռու, Շիրակի, Սյունիքի մարզերում սեպտեմբերի 9-ին կայանալիք տեղական ինքնակառավարման մարմինների ընտրություններում գրանցված թեկնածուների նախընտրական քարոզչությունը: Այն կտևի մինչև սեպտեմբերի 7-ը: Թեկնածուներից ոմանք, սակայն, գրանցումից հետո հրաժարվել են հետագա ընտրապայքարից` ինքնաբացարկի մասին դիմումներ ներկայացնելով համապատասխան ընտրատարածքային ընտրական հանձնաժողովներ: Նրանց թվում են նաև երեք քաղաքային համայնքներում գրանցված քաղաքապետերի մեկական թեկնածուներ: …

Իրանում այսօր` օգոստոսի 22-ի առավոտյան կրկին ուժգին երկրաշարժ է եղել: ԱՄՆ Երկրաբանական ծառայության փոխանցմամբ, 4,3 մագնիտուդ հզորությամբ երկրաշարժը գրանցվել է տեղական ժամանակով ժամը 8:28-ին, Թավրիզ քաղաքից 23 կմ հարավ-արեւելք: Երկրաշարժի հիպոկենտրոնը գտնվել է 9,9 կմ խորության տակ: 10 րոպե անց գրանցվել է մեկ այլ ստորգետնյա ցնցում` 4,1 մագնիտուդ ուժգնությամբ: Զոհերի եւ ավերածությունների մասին տեղեկություններ չկան:

Հայ թենիսիստուհի Անի Ամիրաղյանը հաջող է մեկնարկել Իտալիայում ընթացող մրցաշարում: 1/16-րդ եզրափակիչում Ամիրաղյանը երեք սեթերում էլ հաղթել է Կյարու Մենդոյին (1:6, 6:4, 6:2): 1/8-րդ եզափակիչում հայ թենիսիստուհու մրցակիցը լինելու է մրցաշարի տանտերերի ևս մեկ ներկայացուցիչ Ջիովաննա Ֆիորետին:  

Այսօր` օգոստոսի 22-ին, ավտովթար է տեղի ունեցել Գեղարքունիքի մարզում: Ժամը 00:15-ի սահմաններում BMW մակնիշի 27 ՍՍ 197 համարանիշի ավտոմեքենայի վարորդը, Վանաձորի բնակիչ 29-ամյա Արգիշտի Սայադյանը, վարելով ավտոմեքենան, Երևան-Դիլիջան ավտոճանապարհի 87-րդ կիլոմետրին` դեպի Դիլիջան ընթանալիս, դուրս է եկել ճանապարհի երթևեկելի գոտուց և բախվել թունելի հենասյանը: Ինչպես  հայտնում է ֆոտոլրագրող Գագիկ Շամշյանը, վթարի հետևանքով Ա. Սայադյանը և …