ԱԺ-ում արտահերթ կերպով կքննարկվի հարկային օրենսգրքի փոփոխությունները․ ովքեր են զեկուցեղները

Այսօր Ազգային ժողովի Տնտեսական հարցերի մշտական հանձնաժողովում քննարկում է անցկացվելու «Գնումների մասին» օրենքում փոփոխություն եւ լրացում կատարելու  և Հայաստանի Հանրապետության հարկային օրենսգրքում փոփոխություններ կատարելու մասին։

Հիմնական զեկուցողն է ՀՀ ֆինանսների նախարարի տեղակալ Ավագ Ավանեսյանը, ՀՀ էկոնոմիկայի նախարարի տեղակալ Էդգար Զաքարյանը։

Կքննարկվի Բաբկեն Թունյանի կողմից առաջարկված 2 նախագծերը՝  Հայաստանի Հանրապետության հարկային օրենսգրքում փոփոխություններ կատարելու մասին և «Հայաստանի Հանրապետության 2020 թվականի հունվարի 24-ի ՀՕ-82-Ն հարկային օրենսգրքում լրացումներ եւ փոփոխություն կատարելու մասին» օրենքում փոփոխություն կատարելու մասին նախագծերը։

Հիմնական զեկուցողն է հենց պատգամավոր Բաբկեն Թունյանը։

Հայաստանի Հանրապետության հարկային օրենսգրքում փոփոխություններ կատարելու մասին օրենքի նախագիծը սահմանում է, որ «շահութահարկի վճարումից ազատվում են ոչ ռեզիդենտ շահութահարկ վճարողները»։

Էմմա Միքայելյան