Այս պահին Արարատի գինու կոնյակի գործարանի Մասիսի խաղողի մթերման կայանի դիմաց հավաքվել են մեծ թվով խաղողագործներ, ովքեր երեկվանից դժգոհում են, որ տոննաների հասնող իրենց խաղողը չի մթերվում: Խաղողագործներից մի քանիսն Armlur.am-ի հետ զրույցում ասացին, որ խաղողը փչանում է, իրենք չեն կարող մինչև հոկտեմբեր սպասել:
Նրանցից մեկն ասաց, որ իրենք նույնիսկ համաձայն են, որ վճարումը մաս-մաս կատարվի: Քիչ հետո այստեղ է լինելու նաև Գագիկ Ծառուկյանը: Քաղաքացիներն իրենց հույսը կապում են նրա հետ:
Ի դեպ, նրանց փոխանցմամբ՝ իրենց որևէ պատճառ չի ներկայացվել, թե ինչու խաղողը մինչև հիմա չի մթերվում: Խաղողագործների կարծիքով՝ պատճառը դրամ-դոլար տատանումներն են, ինչի հետևանքով էլ Ծառուկյանի գործարանի արտադրամասը իրացման խնդիր է ունեցել:
.gif)
